Wor is d’ aal blääven …

.

Wor is d’ aal blääven …

Een lange Reis geit nu to Ennen –
van wiet her dreef mi dat noa Huus,
ikk hoap up Minschen de mi kennen,
un flücht vöör frömmdet Woordgebruus.

Ikk hööch mi up mien Modersproak,
fööl all de Waarmte strieken –
bün blied dat Weltens griese Doak
vöör dit Gefööl deit wieken.

Doch as ikk dör de Stroaten steuster
un söök vertwiefelt Kaark un Krooch,
maark ikk, dat ikk vergäävens leuster,
un mi mien Hoapen drooch.

Hier is nix mehr ut mien Besinnen,
is nix mehr wat mien Denken eit –
ikk kann nu wüggelk nix mehr finnen
as Koal de mi up d’ Föölen schleit.

© ee

 

Über https://christinvonmargenburg.wordpress.com/https://christinvonmargenburg.wordpress.com/"In einem Augenblick gewährt die Liebe, was Mühen kaum in langer Zeit erreicht." Johann Wolfgang von Goethe